Апликациите за временска прогноза, пронаоѓање на најблиската продавница или делење фотографии веќе не се доволни во светот за корисниците на паметни телефони. На ред дојде апликацијата која ќе ви помогне да ја одржите љубовта на ниво...

Бидејќи со текот на времето сите стануваме помалку мрзеливи во љубовта, творците на апликацијата Kahnoodle се досетиле на одличен начин за одржување нежност. Недостатокот на секс, запуштање или се помалку убавите гестови со оваа апликација стануваат минато. Оваа апликација љубовта ја претвора во игра. И двајцата партнери мора да ја инсталираат апликацијата и да ги поврзат сметките, по што меѓусебно си праќаат пофалби ако направат нешто убаво. Секој убав гест го полни љубовниот метар, а ако неговото ниво е прениско, апликацијаа сама праќа известување и предлага некои убави гестови.

Со љубовниот метар, апликацијата има и купони, кои лицата може да ги заменат за жешка ноќ кога и да посакаат. Купоните вклучуваат секс, заедничко туширање, гледање ТВ, зависно од тоа што сакате, можете да користите различни купони, а креативните парови може да измислат и свои купони. За целосно да се спречи мрзеливоста, откако лицето ќе го искористи купонот, партнерот има недела дена да го исполни барањето, што ќе му донесе поени.

Ова е одличен начин повторно да се зближите во врската, а на жените им овозможува уште една скриена корист: Можете да му приговарате на дечкото дека не поминува доволно време со вас без тоа да изгледа како вистинско приговарање.