Малку добра храна, малку вино, некоја чаша ракија и твојот колега кој инаку не го забележуваш ти се чини како одличен плен. Божиќните забави често не вовлекуваат во проблеми, па затоа ќе ве потсетиме зошто флертот со колега не е добра идеа...

Работите заедно
Не само вие и тој, со вас работат и колегите кои едвај чекаат добар трач. Наместо со недели или месеци да бидете тема на озборување за време на пауза, едноставно спротиставете се и земете во предвид дека ќе мора да го гледате секој работен ден.

Сите имаат камери
Фотоапарат, камера или мобилен кој само го чека вистинскиот момент за фотографирање. Дали сакате да осамнете на огласната табла во акција со вашиот колега? Колку и да се трудите да се сокриете, некој сигурно ќе ве фати, а фотографијата ќе почне да кружи уште пред да заврши забавата.

Шефот е таму
Пред шефот секогаш сакаме да изгледаме пристојно, а тоа е малку тешко да се постигне ако нечиј јазик е во вашата уста, особено ако станува збор за колега.

Пијани сте
Ако сте пијана, сосема е јасно зошто не би требало да го допирате колегата. Пред да излезете од станот, забранете си самата себе било какво зближување со колегите, за да не се фатите за глава следното утро кога ќе се разбудите.