На машкото тело постојат некои скриени места кои исто така можат да бидат ерогени зони. Ние ќе ви помогнеме да ги откриете...
Мажите реагираат на допир на некои, до сега запоставени делови од телото, на пример стапалата. Приредете му масажа на стапалата која никогаш нема да ја заборави. Според тврдењата на стручњаците, петите содржат точки кои го зголемуваат сексуалното задоволство.
Спој на нервни завршетоци има и на ушната школка. Нежно бакнете ја неговата ресичка на увото, полека допрете ја со јазикот. Уште ако на тоа додадете некоја воздишка или шепот...
Со стимулацијата на долниот дел од стомакот кај мажите може да ја зголемите сексуалната напнатост. Колку подолго ја држите тензијата, толку возбудата ќе биде посилна.
Внатрешниот дел на бутовите е исто така еден чувствителен дел од телото. Тоа подрачје има многу нервни завршетоци, затоа допирањето на тој дел од телото може многу брзо да го "расположи" мажот.
И очните капаци можат да бидат вистинска ерогена зона. Кога тој ќе ги затвори очите вие превземете контрола, што прилично возбудува. Кожата на очните капаци е тенка и чувствителна, затоа бакнете ја нежно и допрете ја со врвот на прстите.
Атмосферата можете да ја загреете и со милување на неговиот врат. Делот кој е особено чувствителен се наоѓа меѓу вратот и клучната коска. Бакнете го баш таму.
На прв поглед, челото не делува како "точка на вриење", но секако може да биде. Главата и челото се полни со нервни завршетоци, па така нежната масажа може да покрене вистинска лавина од страсти.
