Презервативите се ефикасен начин за контрацепција и заштита од венерични болести, но, не сите парови ги сакаат, бидејќи некои вљубени тврдат дека тоа значително ја намалува чувствителноста за време на секс...

Во обид да создадат алтернативна опција за жените, истражувачи од Универзитетот во Вашингтон создадоа женски кондоми, кои се раствораат во вагината. Овој нов вид на кондоми се идеални за контрацепција, а кога се растворат, испуштаат специјално дизајнирани материи кои го штитат организмот од ХИВ.

"Нашата желба е да создадеме производ со кој дамите сами ќе можат да се заштитат од ХИВ и несакана бременост", изјави еден од авторите на студијата - Ким Вадроу, асистент-професор по биоиженерство.

"Ги имаме лековите кои можат да ја исполнат оваа задача. Сега останува да се направи на начин на кој ќе биде уште поефикасно и жените сами ќе имаат желба да го користат", продолжува Вадроу.

Материјалот од кој се произведени презервативите, содржи растителни влакна, кои физички ги одбиваат сперматозоидите, но и испушта лекови (како спермициди) за да штити од несакана бременост.

Истражувачите тврдат дека во кондомите можат да се интегрираат и други лекови за да го штитат организмот и од други венерични болести (освен ХИВ).