Како што наведуваат стручњаците, жените на основа на физичкиот изглед на мажот може да проценат дали тој е верен или не...

Резултатите од истражувањето, кое е спроведено на Универзитетот на западна Австралија, покажале дека жените станале вешти во препознавањето на неверните мажи и можат само преку гледање на фотографија од непознат човек да проценат дали би бил верен или не.

"Првите впечатоци рутински ги засноваме на физичкиот изглед и изразот на лицето на непозната личност, па тестиравме дали изгледот издава уште некои работи како што се сексуалната склоност и верност", објаснила авторката на студијата Џулијан Роудс.

Истражувањето опфатило по 34 жени и мажи, на кои им биле покажани фотографии од 200 припадници на спротивниот пол. Луѓето на фотограафиите претходно на авторите им раскажале детали од својот сексуален живот и минато.

Во 62% од случаите, жените погодиле дали мажот од фотографијата бил неверен. Занимливо е дека ова проценка на мажите им оди лошо, бидејќи "неверничките" ги погодиле само 23% од мажите.

Инаку, анкетираните учесни;kи рекле дека својата оценка ја засновале на мажественоста кај мажите од фотографиите, додека мажите своите заклучоци ги донеле врз основа на тоа колку жената била привлечна.