Наскоро на пазарот би требало да се појави ново контрацептивно средство кое може да спречи несакана бременост во период до три години...

Германската фармацевска компанија "Bayer" од надлежните органи на Европската унија добила "зелено светло" за новото контрацептивно средство кое може да спречи несакана бременост во период до три години.

Секторот за здравствена грижа на компанијата "Bayer" успешно ја заврши процедурата за европска регистрација на новите средства со ниска содржина на хормонот левоногрестрел кој се ослободува во интраутерниот систем (ИУС), се наведува во соопштението објавено на сајтот на германската компанија.

ИУС е, како што се прецизира, "долгорочно контрацептивно средство кое се поставува во матката поради заштита од несакана бременост во период до три години".

"Bayer" новиот производ, под името "Jaydess", ќе го лансира на пазарот на ЕУ во вотората половина од 2013.

Германската компанија во декември 2011 поднесе барање до надлежните органи на САД за добивање на одобрување за пласман на овој производ и на американскиот пазар.