Топло чоколадо пред одење во кревет...Не звучи како вовед во незаборавна страствена ноќ, но работите се менуваат...

Швајцарскиот производител на чоколадо "Berry Callebaut" има во план да произведе десерт кој ќе влијае на либидото како вијаграта.

Станува збор за т.н. "турбо чоколадо" со висока концентрација на растителна хемикалија под името флавонол која се наоѓа во какаото, а до сега била уништувана при постапката на вообичаеното производство на чоколадо.

Во компанијата "Berry Callebaut" велат дека се на чекор до производството на "секси чоколадцата" затоа што чекаат само да добијат согласност од Европскиот парламент.

И не само што наскоро ќе се најде на пазарот, туку ќе може и да ги замени досегашните, традиционални средства за потенција, дури и вијаграта.

Со оглед на тоа дека станува збор за целосно природен производ, без хемиски додатоци, таа чоколада ќе биде здрава, тврди произведувачот.

Како магичната чоколада "работи"? Ја забрзува циркулацијата поради зголемената содржина на флавонол, а познато е што се случува кога крвта ќе "зоврие"...