На претставниците на посилниот пол им се допаѓаат ист тип на жени во текот на целиот свој живот, докажаа француски научници...

Што ги привлекува мажите кога ќе се запознаат со некоја жена? Тоа е прашање кое ја возбудува секоја жена на планетата а има и многу психолози кои ги анализирале бројни теории за ова прашање. Француските научници сепак успеале да најдат недвосмислен одговор. Во првиот момент по запознавање мажите ја забележуваат големината на градите и должината на нозете. Според девојките тоа се груби и нетактични мажи, но статистиката покажува дека таква е масата од кандидати.

По долгогодишна напорна работа сексолозите и психолозите стигнаа до следниов заклучок со кој сите се согласуваат - секој маж има различен вкус за жени. Сепак членовите на Институтот за науките на еволуцијата во францускиот град Монпелие успеале да докажат дека во текот на целиот свој живот еден маж паѓа на ист тип на жени - на пример или само блондинки, или само бринета итн.

За да ги докажат своите тврдења, специјалистите спровеле експеримент со учество на група волонтери од посилниот пол. Од цел куп со женски фотографии тие требало да ги изберат оние припаднички на понежниот пол кои ги сметаат за најпривлечни. 40% од учесниците одвоиле слики на жени со иста боја коса, иста боја очи, полни усни, слична фигура, па дури и со слични црти на брадата. Ова докажува дека посилниот пол паѓа на исти жени во текот на целиот свој живот. Но, според француските истражувачи оваа теорија е валидна и за понежниот пол, кој избира партнери на истиот принцип - сличен изглед со поранешниот, добри лични квалитети и позиција во општеството.