Списанието AskMen многу често изненадува со корисни совети кои ги учат мажите како подобро да се однесуваат кон жените. Не е дека сите мажи ги прават овие работи, но повеќето од нив се виновни барем за една од овие грешки.

1. Не читате сигнали

Знаеме, жените тешко се читаат. Таман кога ќе помислите дека е расположена за секс и ќе тргнете во акција, налетувате на одбивање. Понекогаш делуваме тотално незаинтересирано и сакаме секс, а вие ќе мислите дека сакаме да бидеме оставени на мира. Не велиме дека „работите“ на едноставна територија, но наместо да се налутите на нас, обидете се да ги запомните нашите мали сигнали кои ви ги даваме - така ќе знаете кога ве посакуваме, а кога навистина сакаме да бидеме оставени сами на себе.

2. Ја скратувате предиграта

Мажите и жените не се дизајнирани на ист начин. Вие можете да „почнете“ кога и да посакате, а нам ни треба одредено време да се загрееме. Размислувајте за нас како за загревање на автомобил: пред моторот добро да се загрее, не очекувајте ништо повеќе освен студенило.

3. Понекогаш се запуштувате

Да бидеме реални, кога би трошеле половина од времето кое жените го посветуваат на уредувањето на своите интимни делови, ние би биле најсреќни на светот. Некои жени не се премногу расположени за орално задоволување на маж, а се обложуваме дека барем половина од оние „нерасположените“ не сакаат да го прават тоа затоа што не им се допаѓа тоа што го гледаат долу. Тргнете од себе: би сакале ли да налетите на неодржувана „шума“? Веројатно не.

4. Молчите како мачка да ви го изела јазикот

Работата е преедноставна: ако стенкате, ќе знаеме дека уживате - ако молчите, ќе мислиме дека тоа што го правиме не го бива и ќе преминеме на следниот чекор. Исто така како што мажите се водат од звуците кои жената ги произведува во креветот, и жените очекуваат вокално охрабрување. Ако не ни дадете до знаење дека ви е добро, ќе мислиме дека се правиме на погрешен начин.