На интимноста со партнерот влијаат голем број ситници, од вашиот работен ден до последниот телефонски разговор таа вечер. Ако вашиот надреден ве оставил на мира да ја работите својата работа или последниот разговор во опуштен тон бил со најдобрата пријателка, а не со некоја што не можете да ја поднесете, во спалната соба ќе дојдете опуштени и добро расположени. А таму никако не би смеале да ве пречекаат три работи.

Телевизор

Убаво е чувството кога прегрнати гледате филм, но со самото тоа помали се шансите апсолутно да се посветите еден на друг. Затоа телевизорот поставете го во удобната дневна соба, така што филмовите и омилените ТВ серии ќе можете да ги гледате со храна и пијалок, а кога ќе дојде време за интима повлечете се во спалната соба во која ништо нема да ви го одвлекува вниманието.

Деца

Вашиот кревет е само ваш и детето мора да го знае тоа. Прифатливо е понекогаш да дојдат на галење, но подобро е да ги научите вас да ве викнат во својата соба или својот агол кога им треба малку нежност и разговор со родителите.

Расправија

Нормално е понекогаш да се расправате со партнерот, но не е нормално такви да одите во кревет. Обидете се сите тешки теми, обвинувања и несогласувања да ги оставите пред вратата од спалната соба.