Не очајувај ако косата почнала да ти паѓа, туку истрижи се на „нула“ - тоа го сакаат жените, покажало едно истражување.

Мажите кои се природно оќелавени или ја бричат глават делуваат посилно и помажествено, покажало истражување спроведено во Америка, а чии резултати се објавени во списанието Journal of Social Psychological and Personality Science (SPPS).

„Мажите кои се сосема ќелави или се бричат, на жените им се попривлечни од оние кои имаат проретчени влакна“, вели водачот на истражувањето Алфред Ман од Универзитетот Пенсилванија.

Во истражувањето учествувале 60 жени кои гледале фотографии од мажи со слична градба и старост, но со различна количина коса на главата.

Поголемиот број испитанички оние без коса ги оцениле како доминантни, силни и подобри.

Благодарение на тие резултати, на мажите кои ги мачи паѓањето на косата им е пружена утеха и надеж дека не е крај со нивниот љубовен и сексуален живот.

„Жените ја почитуваат смелата одлука на мажот да ја избричи главата“, објасни Ман и додаде дека избричените мажи имаат поголем потенцијал да станат водачи.