Мажите се прилично чувствителни суштества, па мора да внимавате што зборувате пред нив. Вашата шега за венчаницата од излогот во неговата глава би можела да изгледа многу поразлично. Ако сеуште не сте во сериозна врска, избегнувајте ги овие работи...

"Види бебенце!"
Бебињата се слатки, сите ги сакаме, но ако на третиот состанок почнеш да се разнежнуваш на секое детенце кое ќе помине покрај вас, вашиот сакан би можело да се загрижи дека сакате едно и за себе.

"Кога ние ќе се венчаме..."
По три години врска е сосема нормално, но по три месеци - доста застрашувачка реченица. Ако одите на свадба заедно, избегнувајте воодушевувачки монолози за брачната заедница, затоа што можете многу да го исплашите.

Ние, наше...
Прераното пакување на тебе и него во заменката "ние" би можела да го протера во фаза во која би сакал да биде сам. Мажите понекогаш лошо реагираат ако се чувствуваат дека се вклучени во некоја комбинација пред да го сакаат тоа.

"Мојот поранешен..."
Вашиот бивши е бивши, а него навистина не го интересира што тој правел и поради што во некои работи бил подобар. Повеќето мажи во врска не сакаат да ги споменуваат поранешните девојки, а истото го очекуваат и од вас.

"Кога ќе ги запознаеш моите родители?"
Запознавањето на родителите не е најдрага активност за машкиот род, а прашањето за тоа само ги прави нервозни. Кога ќе биде време, запознајте го, но немојте тоа да го најавувате со месеци порано.