Во Канада моментално се тестира вијагра за жени, назален спреј на база на тестостерон.

Група канадски научници од фармацевтската лабораторија Trimel испитуваат терапија за поттикнување на желбите за сексуални односи и оргазам кај жените.

„Женската вијагра“ наречена „тефин“ би требало да биде на база на хормонот тестостерон и да ги активира деловите од мозокот поттикнувајќи го пред се протокот на крв во половите органи.

Терапијата би требало да биде во вид на назален спреј, така што потребно е да се стават само неколку капки во носот, најмалку два часа пред сексуалниот однос, а „тефинот“ делува наредните шест часа.

„Тефинот“ моментално се наоѓа во првата фаза на испитување, но научниците веќе бираат жени кои ќе учествуваат во втората фаза од испитувањето во Канада, САД и Австралија.

Во поголем број од случаите, отсуството на оргазам кај жените, како што истакнуваат научниците, всушност е предизикан од психолошки причини како што се стресот и вознемиреноста.