За жените бракот е голем чекор и често се одбележува со најголемата прослава во нивниот живот, па затоа е важно да се избере вистинскиот момент...

Истражување на британскиот институт YouGov покажува дека 53% од Британките сметаат дека вистинскиот момент за склучување брак е меѓу 25 и 29 години. Како остар контраст со минатите времиња само 11% од анкетираните жени сега веруваат дека 20-24 години е идеална возраст за брак. Малку над 18% од жените сметаат дека 30-те, а особено 30-34 години, се најдобро време за брак.

Мажите во целина го делат мислењето на дамите што се однесува до возраста за брак, 44% сметаат дека 25-29 години е вистинската возраст. 24% од претставниците на посилниот пол сакаат брак во подоцнежната возраст - помеѓу 30 и 34 години. Само 10% од мажите сметаат дека застанувањето пред олтар на млада возраст е правилно решение, тие би го кажале големото "да" меѓу 20 и 24 години.

Старата традиција, дека таткото на невестата треба да ја плати свадбата, веќе е минато. Сега се верува дека невестата и младоженецот треба да си ја платат сопствената свадба, при што 55% од луѓето го подржуваат тоа мислење. 30% од испитаниците сметаат дека родителите на младоженецот и невестата треба да ја платат свадбата, а само 5% ја подржуваат идејата родителите на невестата да платат за прославата.