Наједноставното објаснување е дека луѓето се бакнуваат затоа што чувството е пријатно. За некои, сепак тоа не е доволно. Постојат луѓе кои се занимаваат со анатомија и еволутивниот развој на бакнежот. Тие се нарекуваат филематолози...

Засега предметните научници не успеале да објаснат категорично од каде потекнува бакнежот.

Клучното прашање е дали бакнежот се учи или е инстинктивна акција. Некои тврдат дека таа се учи и датира уште од најраните наши предци. Во тоа време, мајките веројатно ја џвакале храната и ја предавале од од устата на своите бебиња. Дури откако на детето му ќе му пораснат заби, мајките продолжувале да ги допираат образите на детето со усните за да го утешат.

Во поддршка на теоријата дека бакнежот се учи, а не е инстинкт, доаѓа и фактот дека не сите луѓе го прават тоа, покажуваат антрополозите. 90% навистина се бакнуваат, но има и 10%, кои немаат поим што пропуштаат.

Други сметаат дека сепак бакнежот е инстинктивно однесување. Во поддршка на своето тврдење тие набројуваат еден куп животни кај кои оваа акција, исто така се среќава. Иако некои ги доближуваат носевите во знак на привлекување, други се бакнуваат исто како луѓето. Мајмуните "бонобо" на пример, разменуваат плунка кога сакаат да се утешат, да развијат социјални врски, а понекогаш - слично на нас и без посебна причина.

Денес најраспространета теорија за бакнежот е следнава - луѓето се бакнуваат, бидејќи тоа им помага да откријат квалитетен партнер. Кога лицата ни се блиску едно до друго, феромоните почнуваат да "зборуваат". Тие разменуваат биолошка информации за тоа дали двајца ќе создадат силна генерација. Жените потсвесно го сакаат мирисот на оние мажи чиј гени за одреден тип на протеини од имунолошкиот систем се различни од нивните. Слична комбинација ќе произведе генерација со многу посилен имунолошки систем и подобри шанси за преживување.

Сепак, некои луѓе се задоволни и со објаснувањето дека се бакнуваат, бидејќи е пријатно. Нашите усни и јазици имаат нервни завршетоци кои го зголемуваат целото чувство од љубов. Кога доживуваме нешто пријатно како ова, ние обично не размислуваме многу зошто се бакнуваме. Напротив - тоа не тера да го правиме се почесто.