Ако паднете во искушение да одите во кревет со некој од овие мажи, не брзајте. Постојат шанси дека, дури и ако сексот биде супер, во некој момент да зажалите поради тоа...

Маж кој штотуку го запознавте во дискотека
Во полумрак, со гласна музика, може да ви се причини како принц од бајка. Но, момчето кое ви прати пијалок, а потоа ви пријде да се запознаете, се смее на вашите шеги, утре на "дневна светлина" може да остави сосема друг впечаток. Тоа што ви се допаѓа не е причина вечерта да ја завршите со секс. Доволно е, за почеток, да му го дадете телефонскиот број, а потоа чекајте да видите како ќе се одвиваат работите.

Колега од работа
Дури и ако имате чувство дека колегата кој ви се допаѓа е најдобриот, најпристојниот, најшармантниот човек кој некогаш сте го сретнале, можеби сепак е подобро да почекате. Ако не сте заљубени, тогаш во прашање е физичка привлечност, па така по сексот заедничките моменти додека правите кафе и флертувате, на кои толку им се радувавте, ќе се претворат во моменти исполнети со непријатна тишина. Ако сте заљубени, само напред.

Поранешен партнер
После прекинот нема веќе никаква причина за повторно да одите во кревет со бившиот. Ако веќе не е вреден за "титулата" партнер, тогаш секако не е "квалификуван" и за љубовник, зарем не?

Секси, слободен пријател (од детство, од факултет...)
Прекрасен е, згоден и секогаш е тука за вас...Постојат две можни сценарија, или во еден момент ќе сфатите дека пријателството прераснало во љубов, во која сексот ќе биде природна работа, како и во секоја врска, или во момент на "слабост" ќе завршите во кревет, а потоа ќе се каете што се го уништиле драгоценото пријателство.

Понекогаш е подобро да се воздржите од страста, барем на некое време, додека не бидете сигурни што навистина сакате. Иако...понекогаш и љубовта за цел живот знае да започне со секс за една ноќ.