Австралиски научници почнаа да регрутираат доброволци за учество во клиничките тестови за т.н женска вијагра...

Препаратот Tefina е наменет за засилување на либидото кај жените и поддршка на оргазмот.

Тој ќе биде тестиран врз стотина жени на возраст од 18 до 49 година од Австралија, Канада и САД.
Tefina е развој на тим од Универзитетот "Мона" во Мелбурн и претставува назален гел. Препаратот содржи тестостерон, за кој во 2009 година американските научници Сара Ван Андерс и Емили Дан докажаа дека помага за постигнување на оргазам кај жените.

"Tefina се апсорбира од организмот за неколку минути, а дејството трае неколку часа. Се надеваме дека со негова помош жените кои страдаат од аноргазмија, ќе можат да добијат сексуално задоволство", изјавила шефот на екипата Фиона Џејн.

"Аноргазмијата е неспособност на жената да добие оргазам. Според наши проценки, од неа страдаат 43% од жените. Аноргазмијата може да се случи како на психичка, така и на физичка основа."