Љубовта е повеќе од метафора. Нејзиното влијание врз нашето тело може да се објасни од науката, да се измери и да се изрази со биохемија...

Зависни од љубов
Допаминот е состојка во мозокот која е одговорна за задоволството. Тој ја игра клучна улога за коцкањето зависноста, дрогата и за љубовта. Кога човек ќе се заљуби, допаминот се зголемува. Допаминскиот систем се активира од индивидуите кои имаат посебна важност за вас. Тие се катализатор за оваа реакција, така што за вас никој дру не е важен во овој момент. Допаминот може да се одделува како во почетна фаза на односите, така и во подоцнежна фаза.

"О" е за окситоцин
Окситоцин е хемиска состојка која гради чувство на блискост меѓу луѓето. Таа се лачи за време на доење, за да се подобри врската помеѓу мајката и бебето. Окситоцинот е главна состојка на прегратките, бакнежите и галењето, па кога имате желба да се погушкате, тоа најверојатно се должи на ослободувањето на состојката.

Тестостерон и страст
Тестостеронот се смета за машки хормон, но тој може да се најде во организмот и на двата пола. Хормонот е одговорен за разгорувањето на страста како на мажите така и на жените. Сексуалната возбуда ја зголемува количината на тестостерон во крвта, а дел од хормонот може да се открие во плунката. Мажите имаат повисоко ниво на тестостерон, а според анкети сексуалната страст се зголемува, кога за време на интимност партнерите ги допрат усните.

Заврзан јазик
Сеуште се испитуваат својствата на друга состојка, која се формира во мозокот - норадреналин. Тој е можно да е одговорен за забрзување на пулсот и покачување на телесната температура. Овој стресен хормон најверојатно е одговорен за "петерутките во стомакот". Тој е наводната причина за топлината и црвенилото кога ќе сретнете објектот на своите чувства, ви се потат дланките и ви се врзува јазикот, при што не можете да кажете два збора.

Следете го чувството за мирис
За љубовта велат дека може да е "на прв поглед", но според експертите привлекување се раѓа повеќе со чувство за мирис отколку со вид. Феромони се хемиски агенси кои пренесуваат информации. Иако не се добро проучени, експертите сметаат дека тие имаат важна улога во сексуалната страст меѓу луѓето.