Бабините совети секогаш се најдобри - ако станува збор за правење колачи, но, ако станува збор за љубовта, големи се шансите дека ќе добиете лош совет. Светот се промени, а и љубовта заедно со него, според тоа, ова се верувања кои повеќе не важат...

Спротивностите се привлекуваат
Можеби на почеток да, но долготочно - никако. Ако некој е целосно поразличен од вас, нема да можете да се согласувате ниту околу малите ниту околу големите работи, а таквите врски често се мачење и за двајцата.

Љубовта е можна без пријателство
Човекот со кој инаку не би можеле да се напиете кафе не е добар избор. Сексот е едно, но ако почнете да размислувате за тоа дека никогаш не би се дружеле со своето момче да не сте во врска, значи дека не сте еден за друг. Не мора веднаш да бидете најдобри пријатели, но со текот на времето треба да станете.

Децата зближуваат
Многу парови во криза размислуваат за децата како лепило кое ќе им ја врати рамнотежата, што е навистина лошо размислување. Децата можеби ќе помогнат на кратко, но ако навистина не функционирате, нема причина да ги внесувате во приказната.

Љубов на прв поглед постои
На прв поглед постои привлечност, и тоа е се. Подоцна може да се развие љубов, но првиот впечаток тоа никако не може да го покаже. Пеперутките во стомакот се супер, но за жал, не станува збор за љубов.

Мажите не можат да бидат верни
Ако изневерил еднаш, ќе изневери повторно - точно. Мажите се склони на неверство, но тоа не значи дека не можат да си помогнат. Оние кои навистина ја сакаат жената нема никогаш да го направат тоа, па колку и тешко да им падне.