По породувањето жената треба да закрепне, како физички, така и психички. Да не зборуваме за хормоните кои се вистинска бура по раѓањето...

Карактеристично за повеќето жени е да не чувствуваат сексуална привлечност и желба за интимна блискост со партнерот неколку недели по породувањето. Важно е татковците да бидат трпеливи и да не се "нафрлаат" веднаш по раѓањето. Лекарите советуваат, младите родители да го обноват сексуалниот живот најмалку по 6 до 8 недели од породувањето. Но статистиката покажува дека, речиси ниту една двојка не ги почитува препораките на експертите.

Младите жени кои дојат треба да внимаваат при допирањето на градите. Поради тоа е препорачливо е мажите да избегнуваат бакнежи околу овој така омилен за нив дел од женското тело.

Првиот секс по раѓањето, задолжително треба да е со презерватив, советуваат уште гинеколозите. Хормоналните контрацептиви за време на доење се исклучени, затоа избере ги традиционалните методи за заштита.