Врската на далечина не е осудена на пропаст, иако многумина мислат спротивно. Таквиот однос има и предности и маани, како и секој друг однос. Ви нудиме неколку совети за да ги претворите негативните работи во своја корист...

Верувајте во успех
Не е лесно да се одржува ниту обична врска, а не пак врска со некого од друг град. Пред се мора да верувате во успех и во тоа дека се работи за сериозна врска, а не за флерт и минлива афера.

Комуницирајте почесто
Бидете секогаш во контакт кога постои можност за тоа. Благодарение на интернет, сега тоа е возможно речиси секогаш. Меѓутоа, трудете се разговорите или пораките да ви бидат квалитетни, а не само размена на комплименти. Пружете му на партнерот увид во својот живот, прашајте го и слушајте како тој или таа живее, како го минува времето на работа, на факултет, слободното време...

Романтиката е возможна
Закажете Скајп средба, на пример, подгответе си вечера секој во својот дом, "наздравете" со чашите полни со вино и разговарајте. И романтична свеќа може да биде во видикот на компјутерската камера, па дури може и да се дотерате, наместо да играте покер во пижами.

Останете свои
Без оглед на љубовта и трудот околу партнерот и опстанокот на вашата врска, останете свои. Важно е поради врската на далечина да не трпи секојдневниот живот. Со други зборови, немојте да станете роб на врската. Можеби ќе ви се подобри расположението кога ќе го видите партнерот на екранот или смартфонот, но тоа не смее да биде случка на денот.