Сигурно на пријателките им се имате пожалено повеќе од еднаш дека „навистина не знаете што мажите сакаат“. Иако сите се прилично различни, во суштина сите го посакуваат истото.

МИТ: Мажите сакаат тивки, послушни жени кои ќе ја исполнуваат секоја нивна желба.

ВИСТИНА: Мажите сакаат среќна, самодоверлива, комуникативна и љубезна жена која знае да сака

Често се наметнува мислењето дека мажите ги сакаат само оние жени кои ќе гледаат се да им погодат, но тоа е далеку од вистината. Машкиот и женскиот род комуницира на различни начини, но на крајот - сите го сакаат истото. Тие сакаат жени кои имаат доволно самодоверба и можат гласно да ги кажат своите потреби. Кратко кажано - ќе те сака ако и ти го сакаш него.

МИТ: На мажите не им требаат комплименти

ВИСТИНА: Зрелите мажи го ценат мислењето на своите партнерки

Да, се разбира дека му е потребна потврда од твоја страна. Всушност, веројатно копнее по истата, но никогаш тоа нема да го искаже на глас. Сакаат да слушнат колку се способни или мажествени кога поправаат работи по дома. Од тебе се очекува почитување, баш како што и ти тоа го очекуваш од него.

МИТ: Мажите сакаат само секс

ВИСТИНА: На мажите им е важно како ќе се чувстуваат со тебе

Се разбира дека мажите не бараат исклучиво секс. Баш како и ние, тие бараат некој со кој ќе можат квалитетно да го поминуваат времето и да ја планираат иднината.