Кога паровите ќе започнат заеднички живот, им се менуваат навиките во исхраната, поради што мажите понекогаш слабеат, а жените се здебелуваат...

Заедничкиот живот подразбира и повеќе заеднички оброци, а британските стручњаци велат дека често се случува партнерите, со најдобра намера, да си ги расипат навиките во исхраната еден на друг.

"Паровите кои заедно подготвуваат храна најчесто мислат само на вкусот и убавата вечера која ќе ја направат, а не ги земаат во предвид различните потреби на различните полови", вели нутриционистката Фиона Хантер.

Пример е фактот дека на мажите и жените им се неопходни различни комплекси од витаминот Б, што паровите често не знаат и почнуваат исто да се хранат. Кога ќе дојде до поделба на порцијата, припадниците од двата пола "фер" ќе ја поделат храната на две половини, иако таа количина за жените е можеби премногу, а за мажите премалку, во зависност од потребите.

Третина од жените кои учествувале во анкета кажале дека се здебелиле по неколку месеци заеднички живот со партнерот, затоа што целата храна ја делеле на половина, а тој џентлментски одбивал да изеде повеќе.

Од друга страна, третина од мажите ослабеле, затоа што партнерката им го давала половина од својот оброк, а во меѓувреме ја грицкале "нејзината" здрава храна како што се салати, зеленчук, овошје или јогурт.

"Паровите исхраната почнуваат да ја сметаат како романтично нешто. Се се дели на половина, што понекогаш не одговара на прехрамбените потреби на двата партнери, па доаѓа до промени во тежината", вели Хантер.