Британките не сакаат изненадувања од партнерите, особено романтични викенди, покажува новото истражување...

Тоа покажа дека 60% од жените мразат изненадувања, а една третина признале дека би се раздразниле ако партнерот ги однесе на неочекуван одмор, бидејќи немаат време да се подготват.

Истражувањето покажало дека типична жена сака да биде предупредена седум дена и 11 часа пред планираниот дури и краток одмор, за да може да си ја испланира облеката и да си обезбеди отсуство од работното место.

Клучните активности пред заминувањето вклучуваат процедури за разубавување, откажување на претходните обврски и сигурност дека сите основни работи се подготвени. Истражувањето, нарачано од авиокомпанијата "British Airways", утврди дека според жените за кратки одмори се потребни најмалку девет парчиња облека, а 40% изјавиле дека заборавањето на клучот би го уништиле одморот.

Истражувањето покажало и дека многу дами нема потреба да се загрижени дека може да бидат изненадени со патување, бидејќи според 40% од учесничките мислата за романтично патување не би поминала низ умот на нивниот партнер. Просечна британка добива по два мили геста од својот партнер за време на врската, а 25% од жените рекле дека претставата на нивниот партнер за спонтано изненадување е нарачување на храна за дома.