Повеќето жени се убедени дека животот на мажите е многу позабавен. Што мислите вие, кој подобро се забавува?...

Резултатите од неодамнешно истражување покажале дека секоја трета жена себе се доживува како "малку досадна", а како причина за тоа го наведуваат фактот дека животот им се претворил во рутинско извршување на секојдневните обврски. Истовремено, сите оние жени се убедени дека мажите за тоа време супер се забавуваат.

Додека се обидуваат да направат рамнотежа меѓу семејството и работата, на жените не им останува многу време за забава. Дури четвртина од испитаниците изјавиле дека нивните партнери имаат многу позабавен живот, и тоа пред се затоа што имаат "помалку обврски околу домашните работи", а и затоа што "не се грижат што другите мислат за нив".

Дека мажите се посреќни и имаат побогат друштвен живот мислат 39% од жените.

Но, изгледа сепак не е се така едноставно. Доста жени кои учествувале во анкетата, признале дека главна причина што помалку се забавуваат е тоа што се срамежливи.

Се покажало дека само 7% од жените себе се доживуваат како некој кој умее добро да се забавува и да допринесе за забава на целото друштво. 5% се сметаат себе за духовити, додека третина велат дека повеќе би ги насмеала некоја шега на партнерот отколку сопствена.