Дали е готово со бакнежите за добра ноќ? Дури 80% од луѓето навечер едноставно се свртуваат на својата страна и заспуваат не бакнувајќи се со партнерот.

Истражувањето на хотелскиот ланец Travelodge во кое учествувале повеќе од 2.000 парови покажало дека навиките дефинитивно се менуваат на полошо. Малиот знак на љубов и внимание, бакнежот пред спиење, дури и оној „плиткиот“, заминува во историјата.

Дури 80% од паровите кои учествувале во истражувањето признаваат дека веќе немаат бакнеж пред спиење, а објаснувањето е целосно неверојатно и нема никаква врска ни со љубовта ни со страста, туку со современото темпо на живот: испитаниците признаваат дека навечер просто поскауваат што побрзо да потонат во сон.

„Те сакам“ се слуша уште поретко, затоа што 90% од испитаниците не му го кажуваат тоа на партнерот.

Анализата на резултатите на анкетата покажала дека 46% од луѓето спијат свртени со грбот кон партнерот. Но, иако тоа звучи потполно неромантично, психолозите кажуваат дека тоа всушност е добар знак, затоа што таа поза значи „невиност и доверба“, а јазикот на телото во сонот е нешто на што не можеме да влијаеме.

„Неизбежно е, кога онаа почетна фаза на опиеност и стаст за време на која партнерите спијат голи и со испреплетени тела ќе помине, потребата за добар сон и одмор во текот на ноќта почнува да станува примарна. Тогаш, во врските кои се изградени на доверба, љубов и почитување, често се случува партнерите да спијат свртени со грб еден кон друг“, вели психологот Корин Свит, брачен терапевт.

Позата од романтичните филмови во која мажот спие на грб, а жената со глава положена на неговите гради „живее“, како што излегло, само на големото платно. Реално, така спијат само еден процент од паровите.