Не мора да имате високи приходи за добро да се забувате. За среќа, некои од најдобрите идеи за состаноци не коштат речиси ништо...

Заеднички шопинг за вечера во домашна атмосфера
Подготвувањето на домашен оброк дефинитивно е поефтина верзија од одење во ресторан. А и позабавна! Вие и вашиот сакан договорете се што ќе подготвите заедно и одете на шопинг по потребните намирници. Отворете шише вино и забавата може да почне.

Маалски кафич
Иако понекогаш е убаво да отидете во отмен бар, Маалскиот кафич е иделано место на кое може да се опуштите со вашиот сакан, а истовремено и да се забавувате. Изберете го оној во кој ќе може да одиграте партија билјард или пикадо.

Берење костени
Зошто да не ги искористите сите благодети кои ги носи есента? Предложете му на вашиот сакан да отидете некаде во природа на романтично собирање костени. Откако ќе соберете доволно, заедно испечете ги.

Филмска вечер
Вечерата и одењето во кино ќе ве чинат повеќе, но затоа може да имате домашна верзија на ваквиот состанок. Одберете неколку заеднички филмови кои ќе ги гледате, направете пуканки, стуткајте се во кревет и уживајте.