Лоша вест за естетската хирургија! Веќе има бесплатен и значително попријатен начин жените да изгледаат убави и млади. Единствено што треба да направат, е да се заљубат...

Според француско истражување, кога жената е вљубена, тоа се гледа не само во пламенчето во очите, туку и нејзината кожа станува помека и нежна, а косата изгледа здрава и сјајна. Брчките и подочниците под очите пак се намалуваат на половина. Накратко, среќата е напишана на лицето! Дури и не толку привлечна дама, може да се претвори во вистинска убавица.

Се разбира, дел од оваа промена се должи на поттикот и трудот, да изгледа подобро во очите на својот сакан. Модерна облека, повеќе вежбање, секси фризура, чувството дека е посакувана ...Но, паралелно со тоа, во телото се ослободуваат хормони кои имаат разубавувачки и подмладувачки ефект.

Според психолозите, пак, вљубената жена полесно постигнува внатрешна хармонија со себе си. Што и помага се да врши се со повеќе леснотија и гарантиран успех. Се намалува и стресот, бидејќи таа престанува да се иритира од ситни проблеми и гледа на работите од позитивната страна.

Значи, дами, нема потреба да трошите пари за разубавување. Вљубете се! Точно, тука доаѓа следниот проблем - во кого. Но, со повеќе позитивна став и расположение, некаде ќе се појави вашиот сакан.