Аромата на желба за секс го исполнува вашето тело со енергија, ве тера да се чувствувате убаво и самоуверено. Како да го натерате да копнее по вашите облини? Потребно е само да знаете која храна од секојдневниот живот да му ја сервирате...

Семки од тиква
Тие се добар извор на цинк, кој пак го крева тестостерон до небо. Ставете ги во овесна каша, во салата или како десерт - потопете цели јагоди во растопено природно чоколадо и овалете ги во печени семки.

Бадеми
Секоја храна која е добра за срцето, е добра и за либидото, бидејќи ги одржува артериите чисти и крвта, кислородот и хранливите материи се движат слободно. Околу 30 г бадеми ви даваат 35% од потребната дневна доза од витаминот E, кој влијае "покренувачки" на љубовните хормони.

Соја
Антиоксидансите во сојата обезбедуваат природната влажност за жените и се корисни за простата кај мажите. Освен тоа, сојата помага за симнување на холестерол и крвниот притисок.

Пченични никулци
Тие се добар извор на аргинин, аминокиселина која го зголемува нивото на азотен оксид, кој пак ги опушта крвните садови и така се зголемува протокот на крв кон "одредени делови" на телото. Аргининот често се користи и во производство на хормони против стареење.

Лубеница
Сочната лубеница содржи многу од антиоксидантот ликопен, кој се грижи за здравјето на простатата. Најмногу од него има во кората на лубеница, па затоа апнете барем една залак од белиот дел. Освен тоа лубеница одлично го хидратира организмот, ако се испотите во спалната соба.