Згоден тип веројатно е сон на секоја жена, но ако во комбинација ги ставиме шармот, хуморот, па дури и пријатно пополнетата сметка во банка (не е нужно, но добро доаѓа), доаѓаме до речиси совршен маж. Но, од сите овие, сепак постојат други поважни квалитети, а меѓу најпосакуваните се следниве...

1.Верност
Ако на жена и понудите прекрасен тип склон кон неверство и просечен маж кој не се вртка наоколу, повеќето ќе го изберат она второто. Добриот изглед и ставот на лошо момче палат само одредено време, но колку се позрели жените, толку помалку паѓаат на вакви површински квалитети.

2.Одговорност
Ниту една жена нема да ужива во друштво на неодговорен маж. Без оглед дали станува збор за обврска која мора да ја исполни, роденден на кој мора да се сети или земањето на децата од училиште, жените многу попријатно се чувствуваат кога знаат дека може да сметаат на својот маж.

3.Љубезност
Типот кој е безобразен кон келнерот, ќе биде безобразен и кон тебе. Многу жени се водат од впечатокот кој нивниот маж го остава во комуникација со другите. Ако е љубезен кон луѓето од кои не очекува ништо, вреди да се задржи.

4.Морален интегритет
Мажот кој не се плаши да ја каже вистината и да постапи онака како што е правилно, а не онака како што му советуваат пријателите, никогаш нема да ја разочара жената. Можеби вистината која ја кажува не е она што жената во тој момент сака да ја слуше, но во секој случај е подобро од лагата.

5.Татковски нагони
Секоја жена, свесно или несвесно, проценува каков татко би бил нејзиниот избраник. Начинот на кој се однесува кон децата, начинот на кој зборува и размислува за нив е голем показател колку добро ќе се снајде во улога на татко. Ако им делува како да не сака деца, некои жени едноставно ќе почнат да се одалечуваат од таков тип.