Дали се чувствувате како ѕвезда во сопствена романтична комедија без среќен крај?...

За жал тоа може да значи дека сте од типот ситком - тоа е неврзан маж или жена во 20-те или 30-те години, кој е опседнат со спомени.

Дефиницијата за ситком е особено погодна за таков тип на луѓе, бидејќи нивниот љубовен живот личи на ситуациона комедија. Тие влегуваат од врска во врска, без да му дозволат на минатото да ги напушти.

Сајт за познанства во Велика Британија направил истражување меѓу 1000 мажи и жени за да ги утврди причините поради кои тие сеуште не го пронашле вистинскиот партнер. Најпопуларниот одговор бил дека луѓето со кои се запознале онлајн, не се од класата на претходниот партнер.

Околу 41% од жените и 39% од мажите изјавиле дека се уште имаат чувства кон поранешниот партнер или партнерка и тоа им го отежнува врзувањето со нов човек. 24% од жените рекле дека биле премногу зафатени со работа за да се поврзат, а 29% изјавиле дека не им се допаѓа да се среќаваат со луѓе во пабови и клубови.

За речиси една третина од мажите и жените откривањето на нова љубов е тешко, бидејќи немаат доволно пријатели кои ќе им помогнат да се запознаат со нови луѓе.