Девет од десет брачни парови се целосно среќни од својот брак, а 17% тврдат дека односите им се идеални. Овие, на прв поглед неверојатни резултати се содржани во британско истражување...

Во анкетата учествувале 2000 двојки. Мнозинството од нив се согласуваат дека семејните вредности се најважниот аспект, кој им помага во меѓусебните односи. Оние кои имаат заеднички цели и ставови, и со хумор се однесуваат кон сите тешкотии, имаат најголеми шанси да го задржат својот брак.

Истражувањето на британскиот сајт за состаноци покажува дека повеќето парови поминуваат околу 61% од слободното време во текот на неделата заедно. Покрај тоа, излегува дека токму мажите се приврзани повеќе кон своите партнерки. Дамите немаат ништо против да балансираат помеѓу сопругот и своите пријателки. Над 30% од мажите сакаат да бидат со своите жени во слободно време, додека 56% од понежниот пол го сметаат за сосема нормално тоа да бидат подалеку од партнерот. 29% признале дека се вознемируваат ако треба цело време да бидат заедно.

Анкетираните парови 11 часа неделно поминуваат пред телевизор. Затоа не е чудно што жените ја обвинуваат телевизијата за недостатокот на романтика. Мажите, од друга страна се жалат поради постојаните критики како возат и желбата постојано да се оди на гости или некои локали.