Неодамна спроведено истражување сугерира дека 2/3 од студентите во некој период од својот живот искусиле злоупотреба во врската. Ова се неколку знаци кои ќе ви помогнат да препознате нездрава врска...

Љубомора
Љубомората е лајт мотив на нездравите врски а најчесто се манифестира во тоа што сте често и неосновано оптужени за неверство, вашиот сакан се лути кога зборувате со други момчиња, ве оптужува дека носите "провокативна облека" и постојано се лути кога се наоѓате надвор од неговиот домен на контролирање.

Неразумна потреба за контролирање
Под таквото однесување подразбираме изрекување правила за начинот на вашето облекување, односно тој е оној кој ви кажува што (не)смеете да облечете, со кој (не)смеете да се дружите.

Закана
Ако не е по негово, тој едноставно ќе "мора" да ве остави, а вие тоа не го сакате...Па ќе потклекнете и ќе го направите тоа што тој го бара од вас.

Проблеми со психата
Вашиот сакан веќе подолго време можеби пати од депресија или пак од напади на паника, но во секој случај ако се сомневате дека нешто не е во ред со неговото психичко здравје, би било најдобро да побарате помош од стручно лице.