Дека дамите сакаат да добиваат комплименти е неоспорен факт! Но, и машката половина воопшто не изостанува. Според експертите, маж кој редовно добива комплименти од партнерката, се приврзува повеќе кон неа и е помалку склон да флертува. Значи, ако сакате да бидете сакани и момчето да ви биде посветено само вам, видете кои комплименти задолжително треба да му ги давате...

"Ти си неверојатен во кревет!"
Способностите во креветот се во основата на самодовербата на секој маж. Затоа не двоумете се да го пофалите. Само бидете внимателни во споредбата со поранешните љубовници. Подобро не правете такво нешто или барем не навлегувајте во детали.

 "Јас сум многу среќна што тие имам!"
Тоа е комплимент кој воопшто не треба да го штедите. Кажувајте го секој пат кога ќе направи нешто убаво за вас или ви помогне во даден проблем. Пројавата на благодарност ќе го натера да се чувствува значаен и сакан.

"Ти си страшно секси!"
Ако партнерот си купил нова облека или пак тренира напорно, задолжително треба да истакнете дека изгледа добро. Пофалбите кон изгледот кај мажот секогаш имаат одличен ефект. Особено ако вашите зборови се придружени и со непослушен допир.

 "Најпријатно ми е кога сум со тебе!"
Фактот дека се чувствувате најдобро главно во негово друштво, едноставно ќе го стопи. Мажите повеќе или помалку љубоморат кога одвојувате време на други луѓе, било да е тоа семејство и пријатели. Од оваа гледна точка, ќе биде убаво да го потсетите дека сепак со него ви е најпријатно.

"Толку си паметен!"
Не мислете дека само вие сакате да бидете оценувани според интелигенцијата. И за мажите тоа е огромно ласкање. Особено добро се чувствуваат и кога ќе им признаете дека се во право за некое прашање.

 "Има ли нешто што не можеш?"
Кога велите нешто слично, тоа никогаш не треба да биде придружено со сарказам. Бидете искрени и добронамерни во своите зборови. Овој комплимент е најсоодветен, откако ќе направи нешто дома, ќе ја поправи колата или пак ви раскаже како се справил во напната ситуација на работа.