Жените отсекогаш паѓале на лоши дечки. Иако кога ќе спомнеме еден таков веднаш помислувате на некој во стилот на Џејмс Бонд или Џерард Батлер, но за жал, реалноста е многу посурова. Овие се 5 типови срцекршачи кои би требало да ги избегнувате.

1. Женкари

Ако забележите дека вашиот нов маж непрекинато ги мерка жените околу вас, време е да си го поставите прашањето: „Дали јас сум му доволна?“ Вљубениот маж не се однесува така, па ако се најдете во слична ситуација бидете претпазливи.

2. Лажговци

Иако многумина сметаат дека ситните лаги се безопасни и нормални, се лажете. Личноста која е подготвена да лаже за да прикрие или да избегне конфликт, подготвена е на многу поголеми лаги. Не земајте ја таквата ситуација здраво за готово.

3. Еготипови

Убаво е кога некој има високо мислење за себе, но кога тоа секојдневно ви го набодува во нос, нешто не е како што треба. Ако секојдневно ви зборува дека сте среќни што сте нашле маж како него, време е да побарате некој поприземнет. Не дозволувајте да ви всади чувство на помала вредност.

4. Избегнувачи

Вљубениот маж сака да поминува време со својата поубава половина. Ако се случува спротивното би требало да биде показател дека повторно нешто не е како што треба. Ако сте навикнати на негово откажување на вечера и состаноци поради некои поважни работи, бидете подготвени и на раскинување. Подобро најдете си некој на кого вие ќе му бидете најважни.

5. Трета среќа

Мажот кој еднаш сте го оставиле или заминал нека остане минато. Бројни искуства на жени ширум светот покажуваат дека понатамошни обиди речиси никогаш не врдоуваат со плод. Помирете се со фактот дека е готово и продолжете понатаму.