Понекогаш сите посакуваме да избегаме од реалноста и гледањето во телевизискиот екран за половина час може да ни го понуди посакуваното бегство...

Но, научниците предупредуваат дека прекумерното продлабочување во односите на екранот, како оние на Рос и Рејчел од хит серијата "Пријатели" може да влијаат лошо на реалната врска. Истражување на 392 женети учесници, спроведено од психологот Џереми Озборн од колеџот Албион во Мичиген, покажало дека колку повеќе луѓето веруваат во нереалните љубовни романи на телевизија, толку помалку се посветени на својот партнер во реалниот живот.

Паровите требало да одговараат на прашањата за односите, вклучувајќи ги оние за задоволство, очекувањата и посветеноста, како и колку време гледаат и се соживуваат со односите на сериите и филмовите. Луѓето со поголема верба во ТВ врските биле посилно привлечени од алтернативи на сегашниот партнер, вклучувајќи го и тоа да се сами.

Со посилното доживување на љубовните романи на екранот луѓето исто така чувствува дека нивната реална врска ги чини повеќе што се однесува до личната слобода и времето кои го имаат за самите себе и почнуваат појасно да ги гледаат недостатоците на партнерот.

"Истражувањето покажа дека луѓето кои веруваат во нереалните љубовни романи на екранот се помалку посветени на сопругот или сопругата и сметаат дека нивните алтернативи се релативно атрактивни. Се надевам дека луѓето ќе ја прочитаат оваа статија и ќе се посветат повеќе на сопствената врска и односите со луѓето околу нив ", изјавил Озборн.

Тој ги советува паровите да се запрашаат колку реални се нивните очекувања за партнерот и од каде доаѓаат таквите очекувања.