Не мора да бидете детектив за да откриете дали партнерот ве изневерува. Обрнете внимание на некои "симптоми" кои се манифестираат во кревет...

Одсутност во текот на сексот
Со тек на време многу парови доаѓаат до фаза во која половите односи се лизгаат некаде во позадина на врската, особено ако не се чуваат во страст, љубов, фантазија и желба. Одсутноста е присутна само кога е последица на замор, загриженост и стрес.

Кога парнерот ги игнорира изненадувањата
Ако некогаш партнерот бил воодушевен од секоја новост на вашето тело, сега следува само рамнодушен коментар, или уште полошо, не ни забележува, тоа може да биде лош знак. Не е добро ако повеќе не го возбудува новата интимна фризура, новата секси долна облека или слично, би требало да се запрашате зошто дошло до такви промени.

Кога тој ќе ја промени "фризурата"
Повеќето мажи тврдат дека своите влакна ги сакаат во својот природен облик, но ако наеднаш го промени своето мислење и "фризура", тоа може да биде знак дека тоа од него го барал некој друг. Ако е така, барајте објаснување.

Кога го "боли глава" почесто од вообичаено
Ако вашиот партнер се почесто го избегнува сексот со изговор дека не му е добро, дека е уморен...време е да разговарате отворено. Во секој случај, немојте да донесувате заклучоци пред време, затоа што нормално е кај секој од нас, од разни причини, да доаѓа време кога не ни е баш до секс.

Одеднаш кондоми
До сега не сте ги користеле, а тогаш наеднаш се појавија во вашиот кревет? Ако не станува збор за желба да се заштитите од бременост, за што неодамна сте зборувале, тогаш отворено прашајте го од што сега наеднаш се штитите. Уште полошо е ако ги пронајдете кондомите во џебот или чантата на вашиот партнер. Во тој случај не правете сцена, туку започнете разговор на таа тема.