Тајната за среќен брак е во шишето, открија истражувачите од Универзитетот на Отаго во Нов Зеланд...

Уште една црвена точка за алкохолот. Научниците открија дека во него се крие вистинската тајна за среќен семеен живот. Едно шише вино најмалку еднаш неделно ги прави партнерите четирипати позадоволни од нивниот брак.

Во истражувањето учествувале 1500 парови, кои ги споделиле своите алкохолни навики. Авторите утврдиле дека среќата од семејниот живот се зголемува во зависност од желбата на партнерите да пијат алкохол. Според експертите, на прво место, најважно е да пиете заедно.

Умерените конзуматори пијат најмалку еднаш во неделата, но, секогаш во друштво на својата сопруга. Кај партнерите кои никогаш не пијат алкохол заедно веројатноста нивниот брак да потрае се намалува до 69% во однос на 91% за љубителите на алкохолот.