Ако сте одлучиле да повикате маж во вашиот животен простор, мора да водите сметка за тоа дека и тој во него мора да се чувствува удобно. Некои женски ситници би можеле да го направат нервозен и несиурен...

Фотографии од бившите
Бившиот е бивши и нема потреба неговите фотографии да се наоѓаат во дневната соба. Тоа не значи дека треба да ги запалите, туку да ги ставите на не толку впечатливо место. Не треба ниту да ги истакнувате фотографиите од новиот дечко, особено на почетокот од врската, за да не се исплаши дека давате преголемо значење на вашиот однос.

Одбрана литература
Секој минува низ фаза на емотивна несигурност и "голтање" литература со психолошка помош но кога тој доаѓа, тргнете ги таквите книги. Ако ги види, може да помисли дека со вас нешто не е во ред.

Женски ситници
Тампони, влошки и други работи потребни само за жените се нешто што тој не сака и не треба да ги види. И нему би му било попријатно во просторот во кој го повикувате, па затоа не откривајте баш се за вас. Поради таквите ситници би можело да му биде прилично непријатно.

Плишани играчки
Мечињата со кои сте играле како девојче оддамна би требало да бидат на таван, а не во спалната соба. Кога тој ќе ја здогледа толпата од плишани играчки може само да си помисли: "Таа сеуште не пораснала". Играчките праќаат порака дека барате некого кој ќе се грижи за вас.

Таблоиди
Сите потајно или јавно читаат жолт печат од време на време. Но, тоа не значи дека секогаш на ноќната маса треба да биде најновото издание на списанието со папараци фотографии од познатите. Би можел да помисли дека сте површни и несериозни.