Сите сме биле на него. Состанокот кој изгледал како добра идеа, набргу се претворил во пекол но ретко кој од нас ќе признае дека му е досадно и едноставно ќе стане и ќе си замине. Ова се некои идеи како да се извлечете од состанокот, без да ја повредите другата личност...

Измислете обврска
Кога ќе сфатите дека ова ќе биде лош состанок, измислете дека мора да одите некаде после тоа, па ќе биде помалку непријатно кога ќе си заминете. Итната обврска или недовршената работа чиј краен рок е утре можат да бидат одлични излезни стратегии.

Лажен повик
Можеби е клише, но пали. Кажи и на пријателката да ти се јави со измислена приказна поради која мора да побегнеш. Ако ти се останува на состанокот едноставно јави се и кажи дека се е во ред, а ако сакаш да отидеш, прифати ја играта и побегни.

Ненадејна главоболка или мачнина
Главоболката секогаш може да помине, а ако не си сигурна дали ќе ти поверува, одглуми дека имаш тешкотии во желудникот. Извини се, оди до тоалет и помини таму 10-тина минути. Кога ќе се вратиш, кажи дека не ти е добро и дека би требало да си одиш дома.

Повикај трета личност
Пријателката која сред состанок навратила на коктел ќе биде јасен знак дека немате иднина. Ова е малку безобразен начин да му дадете до знаење дека не ви се допаѓа, но ако состанокот е навистина лош, ова опција е сосема прифатлива.

Алергија
Овие тестенини внатре имаат босилок, а ти не знаеше? Извини се и кажи дека лековите ти се дома и дека мора да одиш.