Во современото општество љубовта и страста често се доживуваат како едно. Факт е дека тие во партнерските односи се испреплетени, но меѓу нив постои една клучна разлика - страста ја креват хормоните, а љубовта пред се емоциите (и понекогаш хормоните, секако)...

Романтичната привлечност која ја чувствуваме кон некого го крева нивото на допамин и серотин, предизивкувајќи екстаза и губење на апетитот. Кога заљубеноста прераснува во љубов, нашето тело е преплавено со окситоцин, познат како хормон на љубовта, кој потикнува емоционално врзување и чувство на блискост со партнерот. Сексуалниот нагон и страст, од друга страна, генерираат пораст на нивото на тестостеронот и кај мажите и кај жените, кој нашето внимание го свртува на сексуалните карактеристики на лицето со кое сме во врска.

Кога сме покренати од страста, тогаш сме фокусирани на изгледот и телото. Понекогаш не мора ни да знаеме како се вика некое лице кое не привлекува, а веќе може да го замислиме како изгледа без облека и каков би бил сексот.

Ако пак, сме покренати од љубовта, чувствуваме силна поврзаност, во друштво на личноста која ја сакаме времето лета, а секој разговор, па и оној за најдосадни теми е бескрајно интересен. Важно ни е да бидеме блиску со лицето кое ни е драго, и иако сакаме секс, тоа не е на прво место. Кога сакаме некого, фантазираме за заедничка иднина, а животот без таа личност би бил незамислив.