За љубовта сите секогаш имаат нешто да кажат. Дури и ако никого ништо не сте го прашале добра душа секогаш ќе се најде да ве посоветува. Сепак, без оглед на најдобрите намери, "советодавачите" често можат да ви го загорчат животот...

Ова се популарни митови за "вистинската" љубов кои би требало да ги игнорирате.

Секој од нас има само една "сродна душа"
Дури и ако верувате дека постојат сродни души, и ако сте имале среќа да ја најдете својата, не е убаво да филозофирате на таа тема. Ако ништо друго, имајте предвид кон луѓето кои, да кажеме, се развеле или пак ги оставил некој што го сакаат. Меѓу другото, дали нависитна имаме една шанса за било што во животот, па и за љубовта? Не, секако.

Ако сте го пронашле "вистинскиот или вистинската" никогаш нема да се карате
Како да не. Дури и луѓето кои бескрајно се сакаат понекогаш се караат, а тоа воопшто не значи дека имаат некој проблем во врската. Попрво би се рекло дека проблем имаат паровите кои гордо изјавуваат дека тие "никогаш не се караат." Тоа воопшто не е вистина а оние кои имаат потреба другите да ги убедат во тоа, се лажат самите себе.

Ако се сакате, ќе ве интересираат исти работи
Размислете сериозно, каква врска има со љубовта она што вие уживате во читање а тој во фудбал или обратно? Никаква, секако. За здрава врска е важно и двајцата да го правите тоа што ве исполнува и ни вие а ни вашиот партнер да не се ограничувате од активностите кои ве прават среќни.

Ако ја најдете вистинската љубов никогаш нема да бидете тажни
Животот е полн со подеми и падови. Тоа што некого сакате со целото свое срце нема автоматски да ве ослободи од сите проблеми, но тоа што навистина се "смета" е дека во моментите кога сте несреќни поради нешто можете да се потпрете на личноста што ја сакате. Ако знаете дека тој некој нема да побегне кога ви е тешко, ќе знаете и дека смеете да бидете тажни и можете да го покажете тоа.