Списанието AskMen на своите машки читатели се обидело да им го олесни почетокот на заедничкиот живот со девојката, а за таа прилика е објавен список на митови, со реално објаснување. Девојки, дали сте виновни за некои од овие работи?...

Два телевизори
Мит - Тој ќе го донесе својот телевизор, таа својот, и на тој начин ќе може да уживате во своите омилени серии/натпревари.

Реалност - Нејзе веројатно нема да и се допадне концептот на спалната соба со телевизор, а ни повеќето работи кои мажите ги внесуваат дома.

Излегувања со пријателите
Мит - Машките вечери на пијанчење и забава ќе продолжат по стариот распоред, но од сега дома ќе те чека топла прегратка и загреан кревет.

Реалност - Кога живеевте одвоено, девојката не го знаеше секој детал за вашето забавување, а сега кога знае, ќе те дочека со куп прашања за тоа со кого си бил и зошто смрдиш на фабрика за пиво.

Лична чистачка со која живееш
Мит - Девојките сакаат ред, па така подобро би исчистиле по сите, отколку да приговараат околу нередот.

Реалност - Заедничкиот живот значи заедничко средување. Кога живееше сам, си чистеше кога сакаш, а сега чистиш кога таа сака.

Секс, постојано, насекаде
Мит - Сега кога живеете заедно, таа постојано ќе сака секс, и на сите површини во станот.

Реалност - Сега кога живеете заедно, сексот ќе биде толку достапен што и двајцата ќе престанете да го цените фактот дека тоа може да го правите каде и да посакате.