Сексот може да предизвика "извонредни" реакции кај жените, вклучувајќи го и тоа да ја промени плодноста, имунолошкиот им систем, либидото, исхраната и навиките за спиење, така што активира различни групи гени, покажува истражувањето...

Научниците истражувале овошни мушички, но тврдат дека откритието им важи и за други животни, вклучувајќи ги и луѓето.

Научниците од универзитетот во источна Англија истражувале како овошните мушички реагираат при парење. Тие утврдиле дека еден протеин, заеднички во семената течност, предизвикува широк спектар на реакции во многу гени на женките кои се пројавуваат во различно време и во различни делови на нејзиното тело после парење.

"Веќе е познато дека протеините на семената течност пренесувани од мажите за време на парење, предизвикуваат забележителни последици кај жените, вклучувајќи ја промена на исхраната, имунолошкиот систем, навиките за спиење, водниот баланс и желбата за секс. Ние ги истраживме последиците од еден мистериозен протеин во семената течност, познат како "секс пептид", и откривме дека тој менува забележителен број гени кај женките, како во времето, така и во различни делови на телото. Забележани се значителни промени во гените поврзани со развојот на јајце клетките, имунолошкиот систем, исхраната , однесувањето ", соопшти раководителот на истражувањето проф Трејси Чепмен.

Истражувањето покажало дека протеинот во семената течност е "главен регулатор", што во крајна линија значи дека мажите имаат директно и глобално влијание врз однесувањето и репродуктивниот систем на жените.