Колку и да се трудите секогаш ќе направите нешто на што не сте горди. Во такви случаи извинувањето е секогаш најдобра опција. Еве како треба да изгледа она вистинското...

Нека извинувањето биде поголемо од злочинот
Наместо да се служиш со речениците како "Не го мислев тоа" или "Случајно беше", може да кажеш нешто во стилот "Знам дека ова што го направив е грозно, не требаше да направам така..." На тој начин кај другата личност ќе создадете потреба да ви објасни дека не е се така лошо.

Мисли го тоа што го кажуваш
Многу луѓе се извинуваат само за да ги поправат последиците, а ретко кој се фаќа за вистинските причини за грешката. Наместо да кажете само "Извини", вметнете и нешто со што ќе покажете дека навистина ви е жал, и дека знаете што сте погрешиле. Генерализацијата често е знак дека ниту ние не знаеме за што се извинуваме.

Избегнувај префрлување на вината
Совршено извинување е тешко да се состави, а уште полесно е истото да се уништи. "Извини што заборавив на вечерата...НО, можеше да ме потсетиш", реченица која отвара пат до нова кавга. Ако е твоја вина, нема причина да се обидуваш да ја поделиш со некој друг.

Парите не решаваат ништо
Маж кој ќе направи нешто лошо често тоа го решава со цвеќе или нови обетки - барем во филмовите. Во стварноста, многу подобро е да кажете искрено извинување, затоа што ниту еден подарок на светот нема да го надокнади фактот дека некого сме повредиле.