Вечера, кино и романтична прошетка звучат одлично, но на крајот од месецот повеќето од нас можат да си го дозволат само она последното. Есенеските денови сеуште се доволно топли да можете да уживате надвор, а наместо скапите комбинации за излегување, ви препорачуваме неколку кои нема да ве удрат по џеб...

Филм и кауч
Знаеме дека во кино е позабавно, но вашиот стар кауч може да биде мнгоу подобар од 3D доживувањата на филмот. Пуканки може да си направите сами, филмови има на интернет, а каучот има и опција поради која би ве исфрлиле од секоја кино сала.

Пикник и заоѓање на сонцето
Земете храна од дома, постелете ќебе и уживајте. Ако ви биде ладно, секогаш може да се стиснете еден до друг, а ако пронајдете доволно дискретно место можете да се загреете и на некој друг начин.

Бидете деца
На децата не им се потребни скапи излегувања за да се забавуваат. Ролање или откривање на нови скриени делови од паркот или вашиот град може да биде позабавно од било кое излегување.

Разговарање до утринските часови
Во филмот секогаш пали, па зошто и вие не би пробале да зборувате до раните утрински часови? Изгаснете го светлото, легнете еден покрај друг и разговарајте. Кога еднаш ќе почнете, нема да забележите колку брзо поминало времето.