Неодамнешно британско истражување покажало дека еден од шест мажи редовно одржува контак со поранешните партнерки, додека кај жените тоа е нешто поретко. Пред да тргнете во акција на повторно освојување, одговорете на овие неколку прашања...

Зошто мислите дека вашата врска, и после се, би можела да функционира?
Прифаќањето на улогите кои сте ги имале во текот на прекинот е прва работа која треба да ја напраивте ако сакате да се вратите назад. Ако мислите дека немате апсолутно никаква врска со прекинот и за се е виновен тој, сеуште се наоѓате во фаза на одрекување, што може да се одрази на вашиот однос. Самата себе најдобро се познавате и ако реално ги согледате работите, можете да процените дали таа врска би можела да функционира или не.

Што точно тргна наопаку?
Нема единствена формула за успешна врска. Секој од нас е раличен и секој од нас од партнерот бара нешто друго. Размислете што и зошто тргнало наопаку, за следниот пат да не ја направите истата грешка.

Дали вреди да се трудите?
Мора да бидете подготвени на тоа дека нема се да оди по план и едниот и другиот мора да вложите огромни количини труд за работите повторно да тргнат напред. Ако имате сомнежи за вашата иднина, запрашајте се дали вреди да се трудите.

Дали тој сака исто што и вие?
За добра врска се потребни двајца, а за одлична врска се потребни двајца луѓе кои подеднакво се трудат да успеат. Ако забележите дека за љубовта се борите сама, можеби најдобро би било да се откажете.