Современите мажи се повеќе ја ценат жената поради нејзиниот ум, отколку поради нејзиниот изглед или вештини во кујната, покажува новото истражување...

Но, претставниците на посилниот пол треба да вложуваат грижи за својот изглед, бидејќи жените од 21-тиот век се повеќе се во искушение од физичката привлечност и се помалку се обидуваат да најдат богат сопруг.

Намлувањето на разликата во платите меѓу мажите и жените во западните земји значи дека традиционалните приоритети за двата пола во барањето на партнер се променети, посочуваат истражувачите.

Додека мажите научиле да ги ценат жените поради нешто повеќе од нивните облини, зголемената финансиска независност на дамите значи дека привлечноста на мажот веќе не е директно поврзана со големината на неговиот паричник.

Психолози од универзитетот во Јорк истражувале 12 000 лица во над 30 земји, за да откријат какви се приоритетите при изборот на партнер. "Утврдивме дека во општества како британското и особено во Скандинавија мажите се повеќе ги ценат другите квалитети како интелигенција наместо облиците на вашето тело или вештините во кујна", вели авторот на студијата д-р Марсел Зентнер за весникот "Sunday Times".

Жените традиционално бараат богати мажи кои можат да ги издржуваат нивните деца, но дамите во земјите со израмнети приходи на двата пола пројавуваат помал интерес за парите и оддаваат поголемо значење на изгледот, додава Зентнер.

"Мажите може да не вложуваат толку напор во создавање на богатство, но може да имаат корист од посветување на малку повеќе грижа за својот изглед", забележува тој. Истражувачите утврдиле дека одговорите на луѓето биле поврзани со глобалниот индекс за разликата во платите на двата пола, кој мери нееднаквоста во 135 земји.

Индексот ја определува Исланд како земја со најмала разлика меѓу мажите и жените во однос на можностите за образование и работа, како и за политичко влијание.