Сексот ги зближува луѓето, помага да се ослободите од натрупаниот стрес, да се опуштите со партнерот. Но, најефикасен во овој поглед е сексот без оргазам (кареза) или барем така тврдат неговите приврзаници...

Кареза е виша форма на секс, во која недостасува оргазам и тоа им овозможува на двајцата партнери да создадат силна емоционална врска меѓу себе, оставајќи го телесното задоволство надвор од нивното видното поле. Карезата на прво место ги става духовното, чувствата, чистата љубов, а не стремежот кон врвот на сексуално доживување.

Самиот збор "кареза" на италијански значи милување и кај овој метод сексот се состои токму од нежни бакнежи. Тој е бавен, сензуален, бескраен без да се стремите кон крајната цел, односно оргазмот. И токму тоа е причината се повеќе мажи да стануваат следбеници на карезата, бидејќи за нив отпаѓа вечната тензија дали ќе успеат да ја задоволат партнерката. Карезата му помага на парот да се оддаде целосно еден на друг, така што го остават настрана сексуалното возбудување, еуфоријата од оргазмот или разочарувањето од недостатокот истот.

Според практикантите на карезата, стандардниот секс со цел оргазам е егоистичен, бидејќи двајцата партнери се заинтересирани повеќе за сопствената возбуда, со што го пропуштаат најважното - самиот момент на физичка и емоционална блискост, давањето и примањето на љубов во форма на бакнежи, прегратки.

Тие исто така мислат дека овој метод им овозможува да стигнат до посилно задоволство, додека со преголемата стимулација за време на стандардниот секс со времето слабее чувствителноста на рецепторите за задоволство, а како резултат на што станувате незадоволени, барајќи нови и посилни чувства.

Оваа сексуална практика е совршен начин повторно да ја запалите искрата во врската. И токму заради овој ефект карезата е препишана како лек од бројни семејни советници. Практикантите на кареза тврдат дека така успешно се излекувале од импотенција и фригидност.

Почетокот е секогаш тежок. Повеќето луѓе ќе ја сметаат кареза за нешто премногу нелогично. Што е поентата да одите 5 мачни часа до прекрасен водопад, а на последните 100 метри да се свртите и да се вратите назад, без да го видите водопадот? Во карезата за важен се смета патот, а не целта.