Некои можат, а за некои пријателството со бившиот е голема мака. Дружењето со бившиот може да има свои добри страни, но пред да почнете да поминувате време заедно, мора да бидете сигурна дека навистина можете да бидете само негова пријателка...

1.Не смееш да го гледаш како сексуален објек
Ако сакаш да спиеш со него, не можете да бидете пријатели. Бившиот кој сеуште сексуално те привлекува никогаш нема да ти биде пријател ако цело време сакаш да го вовлечеш во кревет. Ако можеш да го гледаш исклучиво како пријател, нема да размислуваш колку добро изгледа без маица.

2.Мора да ти биде пријатно покрај неговата девојка
Твојот бивши има девојка, а ти си љубоморна? Тоа многу веројатно значи дека имаш големи нерешени чувства кон него и дека не е паметно премногу да се дружите. Додека не одлучиш дали сеуште ти е грижа или не, подобро да се отргнеш од целава ситуација.

3.Минато е минато
Секако дека тука и таму ќе се присетите на некои моменти, но ако во пријателството постојано ги внесуваш работите од минатото, отвораш повторна кавга.

4.Пијаните пораки се забранети
Мобилниот може да биде твој најголем непријател, особено ако во пијанство одлучите да му пратите порака на бившиот. Тоа ќе го збуни, а вашето потенцијално пријателство би можело да заврши уште пред да започне.

5.Внимавај што зборуваш
Пријатели сте, но тоа не значи дека морате ги кажувате деталите од својот љубовен живот. Тој сигурно не сака да ги слуша епските приказни за твоето ново момче, но и тебе нема да ти биде пријатно ако ти раскаже за романтичната вечера со неговата нова девојка.